Þessa dagana á allt að gerast!
Ég hef verið að kenna í Kvikmyndaskóla Íslands, á nýrri leiklistarbraut, og eru nemendur það með lokasýningu á morgun föstudag 18. apríl. Síðan er á döfinni sýning hjá Blikandi Stjörnum á vegum Listar án Landamæra, þar sem blandað er saman fötluðum og ófötluðum listamönnum. Hljómsveitin Svitabandið spilar með þeim þar.
Sönghópurinn minn og ég verðum með tónleika á Bifröst 30. apríl, og Söngraddir Reykjavíkur, þe. kór borgarstarfsmanna ætla að syngja á afmælis/vor-hátíð Árborgar þann 8. maí, á Eyrarbakka.
Ofan á allt þetta leggjast próf í grunnstigi hjá söngnemendum, auk þess sem ég er að æfa mína eigin rödd og reyna að vera sæmilegur reiðmaður á hestunum mínum tveimur, Nökkva og Eldi. Sem sagt gaman að lifa!!

Nú ert allt farið vel af stað á nýju ári, Sönghópurinn æfir á þriðjudagskvöldum, Blikandi Stjörnur á miðvikudagskvöldum, auk þess sem ég er að æfa Söngraddir Reykjavíkur (kór Borgarstarfsmanna)í fjarveru Gróu Hreinsdóttur kórakraftaverkakonu.
Þar að auki er ég að kenna krökkum í Kvikmyndaskóla Íslands að syngja og tilvonandi íþróttafræðingum og kennurum í Háskólanum í Reykjavík að beita röddinni, svo þau klári sig nú ekki fyrir aldur fram. Merkilegt með talröddina, að það er hægt að nota svo margt úr söngtækni í talraddarbeitingu, þetta eru jú sömu raddböndin.

En það sem er á döfinni er nýtt byrjendanámskeið sem verður dagana 7. og 14. febrúar kl. 18.30. Þar verður farið verður í öll grunnatriði í raddbeitingu og söng og ætti þetta námskeið að henta öllum þeim sem vilja læra að beita röddinni. Námskeiðinu fylgja einnig 2 einkatímar sem hægt er að bóka eftir hentugleika. Námskeiðið kostar 25.000
Þónokkrir eru búinir að skrá sig og eru örfá pláss eftir. Hægt er að skrá sig á tölvupósti til mín á ingveldur@gmail.com
Kveðja
Ingveldur Ýr